كل ماتحتاجين معرفته عن الكيرياتين من الألف الى الياء
هو لونه ابيض وتقيل وريحته حلوة هو خالى من الفورمالين تماما ويستخدم كعلاج للشعر ولا يفرد وبيحل مشاكل الشعر كالهيشان والتقصف لكن مابيفردش التجاعيد وبيعطى نسبة 65% على الشعر الهايش المقصف المصبوغ
وبيكون شكل الشعر طرى وبيلمع وناعم كما انه بيفك التشابك وبالتالى بيقلل سقوط الشعر وأحب أوضح النقطة ديه
الكيرياتين لا بيقلل سقوط الشعر ولا بيزوده لكن انا باقول ان الشعر لما بيكون مش متشابك وطرى فبالتالى ده يقلل
مجهود الشد عند التسريح وبالتالى بيقلل سقوط الشعر. اما لو الشعر مش متبهدل يعنى مش مصبوغ وحالته معقولة
فيعطى نسبة توصل ل 90 % و99 % وبيشيل الهيشان تماما.
والنوع التانى هو ماكس وتقريبا بيدى نفس النتائج بس مع الفارق انه مبينفعش لكل أنواع الشعر لما جربناه
على شعر مصبوغ وناشف ومجعد لم يعطى نتيجة الا بنسبة 55% تقريبا. وده شكل المنتج وهو لونه لون الشيكولاته
الفاتحة وتقيل وريحته شيكولاته
والنوع الثالث هو كيور أو KC هو برازيلى وموجود منه نوعين دلوقت كيور بالذهب والعسل وده شكل المنتج
وهو لونه ابيض شفاف وتقيل نسبيا يعنى مش خفيف ولا تقيل
مميزاته انه بينفع على اى شعر وبيفرد بنسبة كبيرة وهو بيحتوى على 2.0 فورمالين وبيخلى الشعر يلمع وبيشيل الهيشان والتقصف والتشابك. ولما بنستخدمه مع شعر مصبوغ ومبتهدل بيدى لحد 70% اما لو الشعر معقول بيدى لحد 90%
والنوع التانى منه وهو البايو كيرياتين وهو ببروتين الكيرياتين وخالى تماما من الفورمالين وبيعملش دخان ولا ريحة وبيعطى نتائج ممتازة ونفس مميزات النوع القديم وده شكل المنتج وهو ابيض وسائل
وفيه نوع اسمه جارا ده استخدمته مع شعر كان شايط من كتر استخدام الجلات خلاه طرى وشال الهيشان والتقصف.
وفيه نوع اسمه لاسيو وده للشعر الرفيع الخفيف ممكن مصبوغ وبيدى نتيجة حلوة وبيتحط فى بخاخة لأنه سايل.
وفيه G - HAIR وده للشعر الأفريقى بمعنى الشعرة تكون تخينة ومجعدة ونتيجته بتوصل ل 70 و 80 و 90% وده ةشكل المنتج وهو ثلاث خطوات شامبو ما قبل الكيرياتين والكيرياتين ومثبت ولونه ابيض وبيكون تقيل
واخيرا عاوزة اقولكم حاجة عشان محدش يظلم الكيرياتين لأن فيه ناس كتير فكرتها غلط عنه الكيرياتين فرد طبيعى مش زى البرمانيت يعنى مش بيخلى الشعرة واقفة ومخشبة لأ ده فرد طبيعى يعنى مظهر الشعر بيكون ناعم وطرى ومفرود طبيعى وبيقابلنا مشاكل كتير فى شغلنا بسبب الفكرة ديه لأن معظم اللى بيجيلونا بيكونوا عاملين برمانيت وبيفكروا ان الكيرياتين زيه وحاجة تانية الكيرياتين مش سحر ده علاج للشعر يعنى كل مشعرك كان كويس كل ما النتيجة تطلع أحلى وكل مالشعر كان مصبوغ ومعمول بالجلات والبرمانيت و كريمات الفرد كل مالنتيجة أول مرة بتكون غالبا 60 أ, 70% وديه نتيجة حلوة بالنسبة للشعر المتبهدل أما تانى مرة فالنتيجة بتكون 80 و 90 % يارب أكون أفدتكم
