السلام عليكم ورحمة الله وبركاته ازيكم يا اخواتي عاملين ايه بصوا بقي من غير كلام كتير انا بقي جايبه اختراع حاجه سهله وبسيطه انا من فترة كده اشتريت مجموعه اقلام كحل بس طلعت ايه حجر والله تيجي تحطي كحل تحسي انها ابرة في عنيكي المهم زعلت بصراحه قلت خسارة قولت ايه تعملي ايه يا بت يا ايمي وشغلت دماغي وانا بصراحة لما بشغلها بتبقي كارثه هههههههههههههههه ما علينا عشان مطولش عليكم حطيت شوية زيت زيتون في كوبايه وحطيت قلم الكحل في الزيت الي هو بتاع الاكل يا بنات مش بتاع الشعر زيت الزيتون الصافي وجيت بقي طلعته انا حطيته من بليل والصبح طلعته وجيت بقي استخدمه ما شاء الله زبده والله بس تسيبيه لحد ما ينشف الزيت عليه بعد ما تتطلعيه وادعيلي ما شاء الله مش عايزة اقولكم جربوا واحكموا بنفسكوا ويا سلام بقي يا بنات لو كل يوم كده قبل ما تنامي انتي وهي وجبتي قطنه ومستحي وشك بزيت الزيتون ونمتي والصبح بقي شوفي النضارة والطراوة والحلاوة انا بعمل كده وما شاء الله كله بيقولوي بشرتك تحفه حتي جوزي كمان بيقولي كده وطبعا كلنا عارفين ان زيت الزيتون مفيدا جدا ومذكور في القرآن والرسول عليه الصلاة والسلام وصي بيه سواء في الاكل او الدهان يعني تدهني بيه يارب يكون موضوعي افادكم يا قمرات ويكون خفيف علي قلبكم وماتنسوش بقي التقييم احسن هزعل بجد وكمان تدعولي بالذرية الصالحة عاجلا انا وكل مشتاقه يارب
بحبكم جميعا في الله وجزاكم الله خيرا
منقوووووووووووووووووول
